Salar kanali bo‘yida sayilgohlar tashkil etilmoqda

▫️Aholining kundalik hayoti uchun qulay, xavfsiz va ko‘rkam muhit yaratish maqsadida Salar kanali bo‘yida sayilgohlar tashkil etilmoqda. Bu hududlarda dam olish joylari va avtomobillar qatnovi tig‘iz bo‘lgan yo‘llardan yiroq, bemalol sayr qilish imkonini beruvchi piyoda yo‘nalishlari barpo etilmoqda.

↗️Salar kanali Toshkent shahridan oqib o‘tuvchi yirik kanallardan biri. Uning shahar hududidagi qismi 23,3 kilometrni tashkil etadi, eni esa 10,5 metrgacha yetadi. Kanal bo‘ylab 10 metrlik qirg‘oqni muhofaza qilish mintaqasi belgilangan.

🧹Kanalning ayrim qismlarida obodonlashtirish ishlari yakunlandi — jami 9,9 kilometr hudud tartibga keltirildi. Yana 2,7 kilometrda ishlar davom etmoqda.