Ҳашар — ўзбекни АҚШда ҳам бирлаштирадиган қадрият

АҚШнинг Вашингтон штати Сиэтл шаҳридаги Тошкент боғида ватандошларимиз ва америкалик дўстлар бир ёқadan бош чиқариб, ҳашар ўтказдилар.

Ушбу эзгу иш Ўзбекистон Республикасининг Вашингтон штатидаги Бош консулхонаси ташаббуси билан ташкил этилди.

Ватандошларимиз ва америкалик дўстлар томонидан боғ тозалигига эътибор қаратилиб, атроф янада файзли ҳолга келтирилди.

Энг муҳими, бу кун фақат меҳнат билан эмас, самимий суҳбатлар, янги танишувлар ва илиқ учрашувлар билан ҳам эсда қолди. Сиэтлда ўтган бу учрашув ҳамжиҳатлик ва эътиборнинг амалий кўринишига айланди.

Меҳнатдан сўнг эса барча миллий таомимиз — ош атрофида жам бўлди.

Тошкент номини олис Сиэтлда ҳам озодалик, меҳр, дўстлик ва ўзбекона ҳамжиҳатлик билан боғлаб турган бундай ташаббуслар алоҳида қадрлидир.