
Sobiq Oʻzbekiston Kommunistik partiyasi Markaziy Qoʻmitasi binosi 1964-yilda qurilgan.
Meʼmorlar: V. Berezin, Yu. Xaldeyev, A. Feynleyb, S.
Ishanxoʻjayev, R. Bleze va Yu. Zakirov; muhandislar: E. Lenneshmidt va A.
Asanov.
Bino Islom Karimov prospekti boʻylab eski qalʼa devori
ustida, Anhor boʻyida qad rostlagan boʻlib, OʻzSSRning 40 yilligiga bagʻishlab
qurilgan sovet modernizmi yangi binolaridan biridir.
Yetti qavatli maʼmuriy bino yonida pastroq majlislar
zali korpusi joylashgan. Ikkala blok ikkinchi qavatdagi shisha oʻtish yoʻlak
bilan birlashtirilgan.
Shaffof oyna ramziy maʼnoda hokimiyatning ochiqligini
ifodalagan boʻlsa-da, meʼmorchilik tarixchisi Boris Chuxovich taʼbiri bilan
aytganda, sanʼatda bu baʼzan rahbarlarning xalq ustidan nazorati belgisi
sifatida talqin qilinadi.
Sovet davrida oltinchi qavatda Sh. Rashidovning
qabulxonasi bilan birga ish xonasi joylashgan edi — guvohlarning eslashicha,
derazalarda kechki paytgacha chiroq yonar edi.
Mustaqillikning dastlabki yillarida bu yerda Islom
Karimovning ish xonasi boʻlgan (Oqsaroy qurilguncha). Binoda Prezident devoni
ham joylashgan edi. Hozirda Konstitutsiyaviy sud joylashgan.
Diqqatga sazovor jihati — 60 yil davomida bino deyarli
oʻzgarmadi va dastlabki koʻrinishini saqlab qoldi.

Markaziy bogʻ (sobiq Telman nomidagi bogʻ) roʻparasida joylashgan, oʻziga xos turkiston meʼmorchil...

Abulqosim madrasasi (Shayx Abulqosim eshon madrasasi) ikkita zamonaviy bino — Xalqlar do‘stligi sar...

Navoiy prospektini rejalashtirishda birinchilardan boʻlib «Rodina» («Vatan») kinoteatri binosi quri...

Yoshlar ijod saroyi — 2008 yilda Islom Karimov tashabbusi bilan «Yoshlar yili» davlat dasturi doira...